Bago pa pumanaw ang sikat na British singer na si Amy Winehouse noong 2011 ay alam na umano nito ang umuusbong na pagsikat ng kapwa British na si Adele. Ayon sa kaibigan ni Amy, gustong-gusto raw nitong sundan ang kaniyang 2006 album na Back to Black bago pa siya pumanaw. Sa mga oras na iyon ay hindi maganda ang estado ng kalusugan ni Amy Winehouse dahil sa mga pinagdaanan nito sa pagtanggal ng alkohol sa kaniyang sistema. Aniya, ang paglabas umano ni Adele sa industriya ng musika ay naging dahilan para matakot si Amy at hindi mapakali. Gusto naman daw ni Amy Winehouse si Adele pero nakaramdam umano ito ng kumpetisyon sa kapwa singer.
Ang Teen Mom star na si Janelle Evans ay engaged na sa kaniyang kasalukuyang nobyo na si Gary Head. Kamakailan lang ay napabalitang nakipaghiwalay umano si Janelle kay Gary at gumawa pa ng isang video kung saan ipinakita niya na siya ay galit na galit sa binata. Sa litratong inilabas ni Janelle sa kaniyang Twitter account ay sinabi niyang magpapakasal na sila ni Gary Head noong umaga na tinanggap niya ang kaniyang engagement ring. Ayon sa mensahe ni Janelle Evans, siya na raw ang pinakaswerteng babae dahil parte ng kaniyang buhay ang binatang si Gary.
Matagal-tagal na ring hindi nakita ang singer na si John Mayer sa harap ng telebisyon at ngayon ay muli siyang nagbabalik sa isang panayam kay Ellen DeGeneres. Isang taon na ang nakalilipas matapos ang huling interview kay John. Ngayon ay nilinaw niya sa programa ni Ellen na hindi na siya ang dating John na nakilala ng mga tao. Ayon kay John Mayer, ang mga nagawa niyang interview sa Playboy at Rolling Stone noong 2010 ay ang dahilan kung bakit niya naisip na maging mas mature. 
Ngayong nalalapit na ang pagtatapos ng isa na namang season ng American Idol ay pinangangambahan ang pag-alis ng judge na si Jennifer Lopez. Nabanggit ni JLo sa kaniyang panayam na hindi siya sigurado kung babalik pa siya sa naturang programa sa bago nitong season. Nilinaw ni Jennifer Lopez na abala siya sa kasalukuyan lalong-lalo na at nalalapit na ang kaniyang concert tour. Ayon sa exective producer ng American Idol, gusto nilang bumalik si Jennifer Lopez sa pagiging hurado nito.
Mukhang makulay na naman ang buhay pag-ibig ng singer na si Rihanna dahil balitang nagkakamabutihan sila ng New York Knicks basketball player na si J.R. Smith. Ang 24-taong-gulang na si Rihanna at si J.R. ay nagkaroon di umano ng pagkakataon na magkita sa isang nightclub sa New York City. Ayon sa mga nakakita kay Rihanna at J.R. Smith naging sweet umano ang dalawa sa isa't-isa at nakita pa na magkahawak ang kanilang mga kamay habang nagsasaya sa bar.
Sa isang episode ng reality show ni Kim Kardashian ay nabanggit niya dito na gusto niya na magkaroon ng sariling anak. Ito ay naganap noong siya ay kasal pa sa basketbolistang si Kris Humphries noong nakaraang taon. Samantala, matapos ang balitang lalabas umano ang nobyo ng dalaga na si Kanye West sa ilang episode ng kaniyang reality show ay igniit ng dalaga na hindi na siya masyadong magiging bukas patungkol sa kaniyang buhay pag-ibig.
Isa raw si Mariah Carey sa mga pinagpilian umano ng mga producers ng TV talent show na The X Factor na maging hurado pero hindi nagtagal ay binitiwan naman ang kaniyang pangalan. Matapos nito ay kinuha naman ng naturang show si Britney Spears bilang isa sa mga magsisilbing hurado ngayong season.
Katatapos lang ipagdiwang ni Jay-Z ang kanilang kasal ng asawang si Beyonce Knowles at sinigurado ng rapper/producer na lahat ng magkarelasyon ay magagawa rin ito kahit ano pa mang klase meron ang kanilang pagsasama. Ipinahayag ni Jay-Z ang kaniyang suporta sa gay marriage noong nakaraang Budweiser music festival press conference na naganap sa Philadelphia.
Inilabas na ang promo picture ng bagong reality show ni Bristol Palin kung saan makakasama niya ang kaniyang tatlong-taong-gulang na anak na si Tripp. Ang naturang relaity show ay may pamagat na Bristol Palin: Life's a Tripp ay ipapalabas ng Lifetime channel. Ayon sa dalagang ina na si Bristol, handang-handa na umano siya ipakita sa mga manonood kung gaano kasaya ang maging ina ni Tripp at kung gaano kabait ang kaniyang pamilya.
Tuluyan nang naghiwalay ang makontrobersiyang magkasintahan na sina Linda Hogan at kaniyang batang-batang nobyo na si Charley Hill. Gumawa ng ingay sina Linda at Charley dahil sa kanilang halos 30 taong deperensya sa edad. Bago pa ang hiwalayan ay matatandaang nagkaroon pa ng engagement sa pagitan nina Linda Hogan at Charley Hill. Si Linda ay kilalang dating asawa ng wrestler na si Hulk Hogan. Noong taong 2010 ay nag-propose umano ang 23-taong-gulang na si Charley sa kaniyang 52-taong-gulang na nobya.Find us on:
Recent Posts
Recent Comments
A-Z Celebrities
- A
- B
- C
- D
- E
- F
- G
- H
- J
- J.R. Smith
- Jada Pinkett Smith
- Jada Smith
- Jake Gyllenhaal
- James Franco
- Jamie Bell
- Jamie Lynn Spears
- Janelle Evans
- Janet Jackson
- Jared Followill
- Jason Hoppy
- Jason Segel
- Jason Statham
- Jason Trawick
- Jay-Z
- Jenelle Evans
- Jennie Garth
- Jennifer Aniston
- Jennifer Garner
- Jennifer Hudson
- Jennifer Lopez
- Jeremy Rosado
- Jermaine Jackson
- Jermaine Jones
- Jessica Alba
- Jessica Biel
- Jessica Sanchez
- Jessica Simpson
- Jim Toth
- Joan Rivers
- Joe Francis
- Joel Madden
- John Bluher
- John Mayer
- John Travolta
- Johnny Depp
- Jon Hamm
- Jonah Hill
- Joseph Gordon-Levitt
- Josh Hartnett
- Josh Kelley
- Judi Dench
- Justin Bieber
- Justin Theroux
- Justin Timberlake
- K
- L
- M
- N
- O
- P
- R
- S
- T
- U
- V
- W
- Z
Archives
Blogroll
Facebook Page
Google Plus Page
Twitter Profile